• CƏMİYYƏT • GÜNDƏM

“Nəfəs” İctimai Birliyi AFAD-a maddi yardım etdi

6-02-2023, 16:53

“Nəfəs” İnsanlığa Dəstək İctimai Birliyi qardaş Türkiyə dövlətində baş vermiş zəlzələ ilə bağlı Türkiyənin Fövqəladə Halların İdarə Olunması Agentliyinə maddi yardım edib.

BAKU.NEWS xəbər verir ki, bu barədə İctimai Birlik məlumat yayıb.
“Bu gecə Türkiyəmizin bir sıra bölgələrində baş verən dəhşətli zəlzələ xəbəri hər birimizi dərindən üzdü. Fiziki olaraq əlimizdən bir şey gəlməsə də, qardaş xalqımıza dəstək olmaq üçün Türkiyənin Fövqəladə Halların İdarə Olunması Agentliyinin (AFAD) rəsmi fonduna 50 000 TL dəstək göstərdik.

Bu ağır faciədə həyatını itirən yüzlərlə soydaşımıza Allahdan rəhmət diləyir, yaralılara və dağıntılar altında qalanlara isə acil yardım və şəfa diləyirik. Başın sağ olsun, Türkiyə!

Qeyd edək ki, “Nəfəs” İnsanlığa Dəstək İctimai Birliyi eyni maraqlar uğrunda birləşmiş könüllülərin təşəbbüsü ilə yaradılan, yardımlaşma və dayanışma prinsipləri ilə fəaliyyət göstərən insanlıq hərəkatıdır.”

 11:03   21 İyun 2022    Oxunub:636   “Nəfəs” İctimai Birliyi növbəti təqdir olunası addım atıb. AzVision.az xəbər verir ki, təşkilat şəhid ailəsinin mənzil şəraitinin yaxşılaşdırmasına dəstək olub.İctimai birliyin bununla bağlı yaydığı məlumatda deyilir:

““Nəfəs” İctimai Birliyi olaraq bu dəfə Hadrut uğrunda gedən döyüşlərdə həyatından keçən qəhrəman şəhidimiz Hüseynli İbrahimin ailəsinə dayaq olduq. Dövlət tərəfindən ailəyə bağışlanan mənzili yaşayış üçün zəruri olan mebel və avadanlıqlarla təmin etdik, yerləşdirdik və hazır vəziyyətə gətirdik. Şəhidimizin özü kimi mərd yoldaşı Sürfanə xanımı və doğulduğu gündən etibarən himayəmizdə böyüyən, atasının son arzusuna əsasən Alituran adı verilən balamızı yeni evinə köçürdük. Dəyərli ailəmizə yeni mənzilində qayğısız sevincli günlər arzu edirik”.

Qeyd edək ki, Azərbaycan Ordusunun kiçik çavuşu olan şəhid Hüseynli İbrahim Ali Baş Komandan İlham Əliyevin Sərəncamına əsasən ölümündən sonra “Vətən uğrunda” və “Xocavəndin azad olunmasına görə” medalları ilə təltif edilib.

AzVision.az

15 Fevral Ümumdünya Uşaq Xərçəngi ilə Mübarizə Günüdür. Bu gün münasibətilə Nəfəs İctimai Birliyinin üzvləri Uşaq Onkologiya Mərkəzini ziyarət ediblər. Bu haqda Nəfəs İctimai Birliyinin sədri Firəngiz Balakişiyeva məlumat verib.

O qeyd edib ki, bu günü özəl edən məqam kiçik ürəkləri ilə böyük mübarizələrə yelkən açan, yaşlarının az olmasına baxmayaraq həyata tutunmağa çalışan kiçik qəhrəmanlarımızdır: “Sözün əsl mənasında bir qəhrəman kimi həyatla savaşan bu balacalara olan sevgimizi hiss etdirmək, onların mübarizəsinə dəstək olmaq məqsədilə Milli Onkologiya Mərkəzinin Uşaq kimyaterapiya şöbəsində müalicə alan uşaqlar üçün müxtəlif hədiyyə qutuları hazırladıq. Uzun müddətdir davam edən pandemiyanı nəzərə alaraq, qəhrəmanlarımızla üzbəüz görüşüb onlarla zaman keçirmək, söhbət etmək mümkün olmasa da, öz dəstəyimizi bu şəkildə bildirdik. 
Böyük sevgi ilə hazırladığımız qutulara komandamızın qəlbindən keçən sözlərini, duyğularını qələmə aldığı kiçik mesaj kartlarını da əlavə edib Uşaq kimyaterapiya şöbənin əməkdaşlarına təhvil verdik.

 Bu gün istər ölkəmizdə, istərsə də dünyada bu xəstəlikdən əziyyət çəkən minlərlə uşaq, onlarla birikdə mübarizə aparan minlərlə valideyn var. Bütün balalarımıza Allahdan şəfa diləyir, kiçik dostlarımıza həyatla hər zaman mübarizə apara bilmək üçün güc-qüvvət, sağlamlıq arzu edirik. Onlara demək istəyirik ki, siz güclüsünüz və bu mübarizədə qalib tərəf siz olacaqsınız”.